政壇：非洲做義工 林一鳴灑脫
近年不時聽到身邊嘅人放下工作、擺低俗務，離開香港幾個月，唔係去外國求學、旅遊，就係做義工，灑脫一番之後，佢哋重回人間時，往往都畀人大不同嘅感覺。
王國龍從閱讀中，睇到更大嘅世界。（資料圖片）
三個月義工生活，林一鳴眼界大開。（資料圖片）
資深投資人林一鳴都係其一，佢早在二十幾年前已經去非洲烏干達做義工，而且一去就用咗三個月時間，此行令佢眼界擴闊，對金錢嘅睇法冇再咁執着，人鬆咗，一切當然更灑脫。
領展總裁王國龍就鍾意閱讀，佢話讀好書係人生最佳嘅投資，講到曾經睇過一本由Erik Weihenmayer所著嘅《Touch the Top of the World》，佢話，作者係一位香港長大嘅美國人，青少年時期失明，但從來冇放棄行山，最後仲排除萬難登上珠穆朗瑪峰。透過別人嘅文筆，王國龍睇到更大嘅世界，明白足夠操練與準備，加埋團隊扶持，亦可人定勝天嘅道理，果然有得着。
