城中鏡：孫穎遇投緣驕女 鋼琴公主有傳人

孫穎表示與驕驕非常投緣，又大讚對方有才華：「佢由四歲開始學彈琴，仲識跳芭蕾舞、畫畫、文學修養都好好，係全方位，我暫時唔會安排太多演出畀佢，想畀佢見多啲世面。」孫穎對新一代公主讚不絕口，話佢不但鋼琴基礎好，而且人亦好有公主氣質，話「鋼琴公主」之名係實至名歸喎。

將任唱奏會表演嘉賓

下月初，驕驕將擔任劉詩昆在湖南唱奏會的表演嘉賓，一展琴技。問到會否「恨」有個如此才貌雙全的女兒？孫穎笑言：「好想，如果話畀我知，我生嘅女都係咁嘅樣，我會即刻生。」據知，驕驕嘅媽咪原任一銀行嘅行長，為了培育女兒先放棄高薪厚職。