教育局倡議學生學習簡體字嘅爭議不絕，自畀人鬧鬼祟諮詢之後，局長吳得掂日日都畀人狂轟，呢日佢終於忍唔住出口反駁。

吳得掂︰我幾時有話過要簡體字取代繁體字？

市　民︰你又幾時無話過？

吳得掂︰我依家就話你聽－唔會！

市　民︰唔會唔用簡體字取代繁體字？

吳得掂︰夠喇！唔好再刻意炒作。

市　民︰成日就話人炒作，你自己又有無檢討吓教育亂象何解停不了！

吳得掂︰簡體繁體咁困擾，計我話「煩」體就真！

市　民︰一定唔係呢個「體」！

吳得掂︰你又想搞個乜嘢「體」出嚟？

市　民︰你處事太唔得掂，家長學生梗係無眼「睇」咋！

第一手消息請下載on.cc東網iPhone/iPad/Android/Windows Phone Apps