父母係仔女嘅第一個老師,負責嘅父母都會有一套自己嘅育兒心得。實德環球副主席馬浩文(Hoffman)有三個寶貝,雖然佢哋只得一至六歲,但廿四孝爹哋已經滿腹大計。

廿四孝Daddy馬浩文早前帶埋三個寶貝去英國度歲。

今個農曆新年假期,佢哋一家過咗英國度歲,遊玩之外,仲趁機幫六歲囡囡睇定學校。啱啱先過完年,佢又已經開始諗定暑假帶班細路去美國咁話。

Hoffman話,全日對住佢三個寶貝都仲唔多夠,因為最細嘅寶貝得一歲,六點就變睡寶寶;三歲嘅寶貝就七點瞓。雖然呢個爹哋醉心單車運動,但佢要小朋友學習嘅第一項運動竟然係游水。Hoffman話,游水唔算係運動,而係求生技能,所以佢三個寶貝都係六個月大就落水學習,對於單車運動相當有要求嘅Hoffman更講明,單車應該唔會係佢哋嘅親子活動。

第一手消息請下載on.cc東網iPhone/iPad/Android/Windows Phone Apps