大圍：枱櫈擺街 食肆阻邨民
「商場啲食肆就咁將啲枱櫈放晒出嚟，我明白佢哋只係想做生意，但係個商場有蓋嘅地方就得咁多，你擺晒啲枱出嚟，變相其他人行嗰陣要就住就住！」陳先生指大圍顯徑商場並非密封式設計，有食肆卻佔用有蓋的行人路擺放枱椅供食客使用，令通道大為收窄，以雨天時影響尤甚。
顯徑商場有食肆佔用行人路擺放桌椅供食客使用。
領展發言人表示，商場辦事處職員已提醒有關商戶保持行人通道暢通，並且加強巡查有關位置，如發現違規佔用公共地方，會立即跟進。
「希望佢哋真係會加強巡查啦，始終落雨嗰陣影響好大，冇理由佢哋喺入面食嘢，我就要擔遮喺出面行㗎。」陳先生促領展除加強巡查外，更應考慮設立罰則，倘食肆屢勸不改，可加以懲戒，以收阻嚇之用。
