城中鏡：鄧鉅明99支玫瑰冧老婆
太子珠寶鐘錶主席鄧鉅明太太鄧宣宏雁尋日以總理身份出席保良局團拜活動，講起尋日情人節點樣慶祝？佢話喺屋企同囝囝一家三口度過：「日日都出街，尋日同個仔溫馨過，係我哋最浪漫嘅情人節禮物。咁鄧生畀乜嘢驚喜你？佢話：「瞓醒有紮花喺床頭，往年都係晏晝返到公司先收到，今年係假期，工人姐姐煮嘢食，年年都喺街食，第一年喺屋企食，好開心。」佢又話：「初一帶個仔睇舞龍舞獅，初二睇煙花，初一我哋保良局喺TVB嘅節目由頭睇到尾，好精神。」至於猴年願望，鄧太希望眾人平平安安、身體健康、家和萬事興。
鄧宣宏雁話一家三口一齊度過係最浪漫嘅情人節禮物。
鄧鉅明
而鄧鉅明喺出席另一活動時坦言送咗九十九支粉紅玫瑰畀老婆：「我細個睇唔起送花，當時我太唔成熟，其實送花最經濟實惠，送花幾百蚊就得，鑽石貴啲，鑽戒日日送，花就一年三次，生日、結婚紀念同情人節。」
追問有冇試過唔記得送？佢話：「我好精，囝囝會提我，女人要氹。」
