上周發生嘅旺角暴亂事件，連日來喺社會引發激辯，包括有個別泛民中人向被捕人士提供義務法律支援惹嚟爭議，身為福建幫之首嘅福建社團聯會主席吳良好（圖）尋日趁聯會新春團拜時，提及旺角暴亂事件就火滾，斥暴徒行為令人髮指，要對佢哋予以最嚴厲嘅譴責。佢其後又向泛民主派「開年」，呼籲鄉親喺月底立會新界東補選同九月立法會大選時做嘢，齊將亂港嘅政黨踢出立會。

香港福建幫有逾一百萬人，建制多個黨派都對福建幫票源金睛火眼(目及)實，而福建幫早前已喺全港成立六大分會，尋日各分會領導齊齊出席新春團拜，似乎想提早團結鄉親做好動員工作，睇嚟選舉年各方都磨拳擦掌，氣氛確係唔同啲。

第一手消息請下載on.cc東網iPhone/iPad/Android/Windows Phone Apps