政壇：劉江華面有紅印惹聯想

剛結束約十日休假嘅民政事務局局長劉江華，尋日復工出席多個農曆新年團拜活動，劉江華甫現身就被發現喺右邊面頰，疑似有兩條「紅印」，而且出席活動期間似乎心事重重，惹人聯想。當問及右邊面頰的「紅印」由來，劉江華回應時話：「哈哈，係最新嘅化妝」，然後就急急離開。究竟劉江華面頰「紅印」嘅真相，係尋日早上剃鬚時或被蚊子叮完造成，抑或係同前日初七「人日」兼情人節，因事冇同太太慶祝或送禮物有關連，相信只有劉江華本人至知道嘞！