立法會議員兼白鴿黨主席劉慧卿(卿姐,圖前左)上周末應邀到緬甸訪問,卿姐喺未出發前向傳媒話,好期待可以同緬甸反對派領袖昂山淑姬(右一)見面,及至昨日,卿姐終於面對面同昂山淑姬見面及交談,據知當場仲有獨立議員謝偉俊,同埋現正幫聯合國擔任國際議會顧問嘅立法會前秘書長吳文華(右二)。正所謂「三個女人一個墟」,唔知同為女性政治領袖嘅卿姐同昂山淑姬,以及喺議會見證好多重要時刻嘅吳文華,三人有否分享鼓勵女性參與政治嘅經驗,以及喺議會工作嘅難忘事情呢?(吳文華提供)

第一手消息請下載on.cc東網iPhone/iPad/Android/Windows Phone Apps