SUN搞作:SUN官場現形記:尸位素餐
立法會又爆流會醜聞,日前嘅立法會財經事務委員會,二十名委員得五人出席。李衞覺事態嚴重,就搵咗其中一位缺席議員—飯民嘅灼人問問。
資料圖片
李衞︰又因何事缺席會議?
灼人︰一睇我就知我嘅軀殼同靈魂,都喺嗰時忙於為市民服務喇!
李衞︰……你話晒都係民選議員,點可以咁不負責任?
灼人︰「正苦」無能,我呢種表現分分鐘得市民認同。
李衞︰你咪再自欺欺人!
(灼人即找市民問問對流會睇法。)
市民︰我梗係想「流會」喇!
灼人︰嗱嗱嗱!都話我無講錯。
市民︰我係想你班高薪議員「留」會,留喺會度咪再引發流會啊!
灼人︰@##$%%^