行政會議成員、立法會議員林健鋒（Jeffrey）兒子林凱章，早前被發現同前新聞主播周嘉儀拍拖，但呢位形象入屋嘅小花，就唔知入唔入到林家大宅喇，林家父子被問及事件時，都顯得好迴避咁。

林健鋒話一家新春假期中將去日本旅行。

Jeffrey尋日出席年宵攤位啟市活動，講到新春活動，佢透露自己即將同家人去日本旅行，仲強調係同太太加兒子共三個人去啫！講到咁白，係咪要畀大家知周嘉儀冇份去呢？其實Jeffrey以往亦避談周嘉儀，幾次被問到佢點睇兒子拍拖時，Jeffrey都以「食飯」等理由走開，唔知係咪驚講得多會影響後生仔嘅戀情，寧願封口唔講呢？

第一手消息請下載on.cc東網iPhone/iPad/Android/Windows Phone Apps