混血名模Jocelyn同老公Anthony每年聖誕同新年都會返兩人嘅家鄉夏威夷同溫哥華探親，聖誕佢哋先往Jocelyn故鄉夏威夷，呢次主要係去探搬到夏威夷小島Maui居住嘅妹妹Melissa，Jocelyn大讚小島擁有美麗嘅陽光與海灘，每日同妹妹着比堅尼曬日光浴，公認好身材嘅Jocelyn，毫不吝惜曬前曬後，其優質「股」更係迷人，佢話：「妹妹同妹夫啱啱搬咗過去住，喺嗰度我哋好開心，每日都去沙灘，又去咗火山睇日出，妹夫捉魚番嚟每晚BBQ，都係我鍾意食嘅。」佢哋仲喺屋企舉行一個焗薑餅屋比賽，結果由佢妹妹同妹夫一隊勝出，佢笑說搞到全屋變薑餅屋。

處身故鄉夏威夷，Jocelyn盡情享受日光浴。

Jocelyn同老公Anthony喺溫哥華過冰雪新年。

Jocelyn做影「後」，展現迷人優質「股」。

享受完熱辣辣嘅聖誕假期後，新年期間佢哋轉往Anthony嘅家鄉溫哥華度過一個冰雪之旅，佢哋同Anthony嘅爸爸走訪Squamish滑雪，睇到鷹喺空中飛翔，感覺好平和又漂亮。

第一手消息請下載on.cc東網iPhone/iPad/Android/Windows Phone Apps