政壇：ING荷蘭高層上海呻凍

唔好笑港人特別怕凍要停課，連ING銀行大中華區行政總裁及商業銀行業務主管何亞揚（Aart）都一樣會呻凍，不過佢係呻上海。

何亞揚都呻凍，不過係呻上海。

Aart來自荷蘭，理應抵得吓冷，但駐上海第一個冬天就零下八度，兼且唔似得外國有暖氣，都幾難受。

佢尋日喺上海機場等飛機嚟香港做嘢，一如既往Delay，喺候機室凍完一輪，最慘係搭Shuttle Bus再行上樓梯登機，凍到震，震完一輪終於上到機，但都仲要等多成個鐘，對腳先「解凍」。經此一役，佢已經計劃農曆新年一定要留喺室內，堅持唔出門。