王氏電子第三代後人Vincent王賢訊同太太朱穎詩尋日現身沙田馬場。Vincent話由於天氣寒冷，所以嚴禁懷孕嘅太太到沙圈吹風。佢話：「預產期係四月，今次佗仔。佗得好好，BB好錫媽咪，而且冇乜水腫。」佢透露太太近日仍忙於處理繪本小說《南山七小福》嘅事宜，預計三月全面停工，好好安胎。

王賢訊同太太親入馬場撐愛駒。

問到家中一對仔女，對於弟弟嘅來臨有冇感到興奮？佢即父愛爆棚咁話：「依家細佬要變成哥哥，我哋問佢邊個係哥哥呀？佢就會指住自己。我哋又成日教佢要錫細佬，即係錫媽咪個肚，佢又會叫我一齊錫。」佢話自己近日工作繁重又多應酬活動，一星期有四、五日唔可以喺屋企食飯，令佢慨嘆唔夠時間陪家人，「有陣時真係想盡量推咗啲聚會，陪吓仔女。」

第一手消息請下載on.cc東網iPhone/iPad/Android/Windows Phone Apps