城中鏡：養B置業缺水 郭偉強捱麥記
之前都講過立法會勞工界議員郭偉強今年三月就「升呢」為爸爸，同時亦面對「男人之苦」，就係置業同供養BB嘅壓力，事關今年九月立法會換屆選舉能否連任仍屬未知之數。喺多重壓力下，佢尋日被發現喺立法會食「麥記」當午餐，其助理將快餐裝入一個公文袋，然後交畀正喺立法會前廳嘅郭偉強，莫非佢已到財政壓力爆煲邊緣？
郭偉強被發現要食「麥記」當午餐。
郭偉強舊年二月同太太結婚，此後一直同家人同住，佢透露一直都有置業計劃，仲希望BB出世後就搬入新居，但其置業夢要暫時延遲，據知因為「有錢畀首期，冇錢裝修」，加上樓價仲有下調空間，故決定再觀望吓。
當問及萬一立法會換屆選舉連任失敗，會唔會有「Plan B」，郭偉強稱要開始考慮呢個問題，又爆料指自己所屬嘅工聯會要求議員必須全職擔任，因此都很難搵「外快」喎。
