政壇：阿柴「戀英」寧棄選立會

阿柴棄選立會嘅消息傳出，令黨內中人百思不得其解，起初有傳佢想專注地區工作，因而放棄「升呢」，惟最新消息指由於參選地區直選要放棄外國護照，佢又唔願意放棄英國護照，所以先決定棄選立會。

有白鴿黨中人透露，阿柴事前根本毫無迹象唔想選立法會，佢一邊參加黨內政治領袖計劃，又頻頻開記者會見傳媒，多名「老鴿」喺舊年十一月區議會換屆選舉亦瞓身為其助選，有黨內中人直言，若阿柴一早另有打算無意參選，可以早啲知會黨友，唔使大家白費心機。

阿柴回覆查詢時承認，自己一直都持有英國護照，但表明自己唔參選立會，與持有英國護照一事無關，並再三強調自己為地區做實事嘅滿足感比較大。