「呢度長期都係好污糟，附近係街市，啲人就成日將唔要嘅發泡膠箱、紙皮丟喺馬路，搞到成條路都畀啲雜物霸晒，落雨時就仲邋遢！」長沙灣居民謝先生指出，順寧道近保安道街市外馬路長期有大量垃圾堆積，阻礙交通，亦影響附近環境衞生。

順寧道近保安道街市外馬路長期有大量垃圾堆積，問題存在經年未見改善。

食物環境衞生署發言人證實，過去一年共接獲四宗相關投訴，期間就亂拋垃圾罪行發出九張定額罰款通知書。

發言人又指，派員巡察上址時發現有人整理及搬運行車路上的發泡膠箱及廢紙等物品，遂口頭警告該名人士切勿把雜物放在公眾地方，阻礙清掃街道或弄污地方。

「咁耐以嚟仲係完全冇改善，仲好似愈來愈多垃圾！」謝不滿雜物問題存在經年仍未改善，促該署繼續跟進，加強檢控及清理以改善上址衞生情況。