教育局局長吳得掂畀人批評外訪多，難得局長談及此事時，展現霸氣，反問︰「咩叫做多？」仲即席同市民嚟一場唇槍舌劍。

市　民：人哋話你係「外訪局長」，我即刻幫你澄清。

吳得掂：終於有人明白我……

市　民：當然，你擺明就係「愛訪局長」！

吳得掂：……其實，我外訪仲辛苦過喺香港。

市　民：有乜咁辛苦？

吳得掂：就係因為外訪，我對眼……

市　民：參觀吓，對眼都會有事？

吳得掂：你唔記得我仲要一個月睇三十本書咩？要趁搭飛機嗰陣睇，仲唔眼澀咩？

市　民：……再聽你講，我驚我對眼真係有事。

吳得掂：你又要睇書咩？

市　民：信你一成，雙目失明呀！

第一手消息請下載on.cc東網iPhone/iPad/Android/Windows Phone Apps