亞洲金融論壇喺本港舉行,成為金融圈嘅盛事,尋日,論壇頒授亞洲傑出女性獎,香港都有高管獲獎,佢就係證監會高級總監兼風險及策略主管比妮·諾藍(Benedicte Nolens)。呢位曾經做過瑞士信貸集團董事總經理兼亞太區合規主管、高盛證券執董嘅傑出女性回顧佢事業嘅起點,竟然話好彩佢嘅名叫Benedicte,夠男性化。

2012年加入證監會嘅Nolens昨日獲得亞洲傑出女性獎。

點解呢?原來佢以前喺美國搵工,見工嗰陣公司主管問佢「你真係Benedicte?」,好疑惑佢嘅性別。原來呢間公司想請男士,見到佢個名,以為佢係男士,所以叫佢嚟面試。結果?佢真係得到呢份工。雖然係咁,Nolens亦鼓勵所有女性,如果想事業更進一步,就要勇於挑戰同冒險。

可見,淨係有個男性化嘅名係唔夠嘅,「亞洲傑出女性」嘅職場生涯話畀大家知,仲要行多幾步,敢想敢做。

第一手消息請下載on.cc東網iPhone/iPad/Android/Windows Phone Apps