「懶人包」呢三個字聽得多,多數用於將複雜難明嘅議題及內容簡化,好似最近版權修訂條例草案,支持及反對陣營都有整「懶人包」,希望各界兩、三分鐘就可以明白箇中理據。依家連煮西餐都有「懶人包」嘞,下個月情人節想出啲甜招氹吓另一半,依家冇難度嘞。

廖俊杰將懶人包發展到西餐上,為好多人帶來方便。

開創「西餐懶人包」嘅食肆創辦人廖俊杰話,港人有兩個特質,即着重快及質量好,因此近日開創「西餐懶人包」,畀啲顧客可以簡易、快捷搞掂一餐見得人嘅西餐,條件只係由超級市場買東西回家後,再花上十幾分鐘,咁就可以煮到牛肉及豬手等複雜菜式,下月十四日情人節想親身上陣,煮藝麻麻嘅男女都可以搖身一變做煮得之人。

第一手消息請下載on.cc東網iPhone/iPad/Android/Windows Phone Apps