城中鏡：徐家傑愛徒 泰拳舞出正氣
古泰拳宗師徐家傑一向致力推動青年武術文化，更策動咗「香港武術十大宗師『武術之夜』慶典」，希望鼓勵青年認識武術文化。
徐家傑
白健恩表演「激泰嘻哈」，勁力十足！
當晚嘅主題表演係由徐師傅創新構思，希望幫助年輕人發放正能量，混合古泰拳加嘻哈舞蹈嘅項目「激泰嘻哈」，徐師傅眼光獨到，睇好藝人徒弟「小白」白健恩有舞蹈底子、腿功了得，所以安排由小白帶領師妹Crystal打頭陣表演。小白喺台上勁力十足，多次飛躍動作險些跳爛地台…… 觀眾睇到目瞪口呆，拍案叫絕！落台後旋即獲一眾嘉賓爭取合照。徐師傅話： 「好興奮愛徒嘅表演獲認同，更有信心將環節推動到電視節目，讓更多觀眾能收睇！今次『武術之夜』目的係凝聚武林正氣，彰顯團結精神！」
台上打完一輪，小白其後緩和氣氛，獻唱個人單曲《沉默》，佢借曲發表個人心聲：「社會上太多不滿聲音，所以自己大多數時候寧願保持沉默！」
