古人話︰苟日新，日日新，又日新。東方報業集團旗艦網站「on.cc東網」立足香港，面向全球，致力打造最強華人資訊網之餘，內容同功能更加係精益求精，唔怪得點擊率節節上升，跑贏競爭對手九條街喇！

講多無謂，數字最實際。國際市場調查公司comScore研究顯示，東網勇奪新媒體三項第一，包括全港瀏覽人數最多、全港瀏覽量最高、全港讀者瀏覽時間最長，大幅拋離第二位嘅壹傳媒網站，所以話，唔怕唔識貨，最怕貨比貨，幾時都冇講錯嘅。

聽吓調查公司點講喇。東網舊年十一月嘅三大數據都刷新紀錄，其中來自香港嘅不重複瀏覽人數比上一個月增長一成一，創出一百五十四萬八千人嘅高峰，而且呢個只係來自香港讀者嘅獨立人數。你知喇，東網無遠弗屆，計晒全球讀者，總數閒閒地多幾倍添呀。反觀壹傳媒網站嘅不重複瀏覽人數只得一百四十萬左右，不升反跌，相形見絀。

除咗瀏覽人數冧巴溫，東網來自香港讀者嘅總瀏覽網頁數達八千二百萬頁次，亦足足比壹傳媒網站高出四成三。至於來自香港讀者嘅總瀏覽時間，東網同樣係獨步全港，達八千三百萬分鐘之多，每位讀者平均瀏覽時間更加長達五十三點八分鐘添。

所以話啫，有麝自然香，東網之所以屢創驕人成績，全因為資訊夠快、夠新、夠全面。特別係上月登場嘅全新三合一東網APP，將原來嘅東網港澳、東網大陸及東網台灣三個APP共冶一爐，真正做到上東網，知天下，唔怪得全城名人爭住推介，讀者反應熱烈喇。

話時話，東網致力提升功能及內容質量，曾創出唔少傳媒先河，直頭威過威士忌。好似話將報紙內容原汁原味上網，就係東網首創嘅嘞；至於直播六合彩攪珠及港超聯足球賽事，亦係開風氣之先，真係唔到你唔服。

仲有吖，東網唔少新增嘅功能亦大受好評，好似「推播通知」（Push Notification）設定功能咁吖，讀者可自主選擇接收新聞、娛樂、財經、體育抑或生活嘅推播通知，仲有埋靜音模式，一次過滿足晒唔同讀者嘅需要，服務咁貼心，梗係人人讚好喇。

一句講晒，東網一枝獨秀，全賴讀者捧場，今後我哋一定繼續努力，務求盡善盡美，報答大家嘅厚愛！