城中鏡：嫁女恨抱孫謝偉銓出晒面

立法會建築、測量及都市規劃界議員Tony謝偉銓嘅千金Mimi出嫁，同任職證監會嘅男友Simon拉埋天窗，一對新人一連兩日設宴招待政界、親朋好友，其中尋日一場就見到勞工及福利局局長張建宗、環境局局長黃錦星、政制及內地事務局副局長陳岳鵬等人。據Tony早前透露，Mimi本身鍾意低調，所以婚禮主要都係Mimi話事，而據佢所知，整個婚禮最困難就係預訂教堂，事關Mimi同女婿早喺前年一月一號已經打電話去訂，都要排到日前先有期。當問及想唔想盡快做外公，Tony話交畀後生決定，不過言談間佢不時都露出個恨抱孫嘅樣子，唔知Mimi同女婿收唔收到呢？