城中鏡：何紫綸升呢做形象教官

轉型做製作公司嘅Ann何紫綸，佢間娛樂製作公司Starteam愈做愈出色，被頒二○一五年優秀公司獎，而阿Ann更獲形象教官嘅認證，阿Ann話係第一次戴四方帽，公司旗下藝人Staries星座少女更到場撐老闆。阿Ann話：「形象教官要讀形象，計分，計教堂數，我第一次拎書同戴四方帽，好開心。」佢透露有證書對自己同公司都好，令接工作更有可信性。佢又話依家行嘅路係商業方向，又話：「以前係拎模特兒獎，依家係女強人形象，行政啲，感覺好唔同。」