SUN焦點：植物顏料勝在夠天然
對愈來愈多女士貪靚紋眼線，有美容達人指，不少女士均渴望擁有迷人眼睛，卻不善於畫眼線，故決定紋眼線一勞永逸。「我之前都試過紋內眼線，不過染料係用天然植物顏料，色澤無咁持久，好快就要補色，不過相對上對人體較健康。」本港美容作家Yoko Tsang指，紋眼線屬半永久性化妝，美容師以特製的針，於皮下注入色素，在眼睫毛旁邊的位置紋出眼線，「其實好似畫眼線咁，只不過紋就可以維持長時間，唔使日日又畫又洗。」
Yoko Tsang指紋眼線屬半永久性化妝，近年深受本港女士歡迎。（資料圖片）
她表示，近年本港大吹韓風，連帶韓式化妝美容亦大受追捧，加上不少南韓女星均有紋眼線，遂吸引本港女士躍躍欲試，「韓劇啲女星就算素顏，對眼睇落都好有神，其實都係紋咗眼線。」她建議女士於紋眼線前，可先了解染劑成分，選擇天然或含較少化學物質的染劑。
