SUN搞作:SUN官場現形記:另類環保
康文署署長嫦嫦隨街丟垃圾,以為神不知鬼不覺,點知畀機智嘅李衞發現,當場捉個正着,睇吓嫦嫦點解釋……
嫦嫦:畀次機會嚟吖,我第一次㗎咋……
李衞:第一次?咁上次呢?上次唔計㗎?
嫦嫦:仲有上次咩?
李衞:唔係唔記得呀,丟圖書喺街,搞到申訴專員都話介入調查,係人都知啦!
嫦嫦:……程序做得唔好啫,唔會有下次!
李衞:下次唔好咁嘥嘢喇,送畀人都好嘛!
嫦嫦:得得得,下次送畀星星,等佢回收,夠環保啩?
李衞:梗係送畀吳得掂啦,佢一個月睇三十本書,你就一次丟三百箱書,送畀佢睇都好過嘥啦!
嫦嫦:#$%##*(!!&^&&!!!