政壇：台海風雲突變 肥佬黎急會李漢奸
民進黨蔡英文尋日勝出台灣總統選舉，喺台灣仲有業務嘅壹傳媒集團前主席黎智英（肥佬黎），尋日就急召父親為國民黨將領嘅民主黨創黨主席李柱銘（李漢奸），同埋曾在美國海軍任職情報員嘅左右手Mark Simon到佢屋企密會，唔通係想收集各方情報同指令，為台灣再次變天做定準備，以便繼續在台、港兩地搞搞震？
李柱銘罕有咁冇帶老婆「單拖」到場，明顯係有「正經嘢」傾。
Mark Simon之後亦坐七人車到場，後座兩位外籍乘客落晒簾避記者。
昨晚接近七時，李漢奸罕有地冇帶老婆、「單拖」駕駛自己架私家車抵達肥佬黎屋企，明顯係有「正經嘢」傾，而非普通食飯聚會。差不多同一時間，一架七人車載住一位白髮長者到場，長者落車時手持一束鮮花，唔知有乜用途。
約十分鐘後，Mark Simon與另外兩名外籍人士，一行三人坐住肥佬黎名下架七人車到場。
車上兩位身份不明嘅外籍人士，坐喺七人車後座時就落晒簾，落車時又戴晒帽，好似刻意唔想畀人認到咁，相當神秘。眾人逗留到晚上約九時四十分後先至陸續離開。
