城中鏡:澳洲探親獲大禮 雷怡暉做邦女郎
臨近大寒,香港嘅天氣都開始轉冷,九巴後人雷怡暉(Amanda)就唔使捱凍,事關佢去咗澳洲黃金海岸探望父母,仲收到父親送嘅新年禮物,一部水上電單車,當然邊享受陽光海灘,邊大玩一番!
陽光下的雷怡暉真的有幾分「邦女郎」味道。
雷怡暉父母居住在黃金海岸。
Amanda性格好動,每年十二月、一月,佢都會返澳洲探媽咪,今年都唔例外,但去到當地就收到父親嘅禮物,令佢驚喜萬分。佢話:「Daddy送咗部水上電單車畀我,又送咗部遊艇畀媽咪,喺呢度可大派用場,我哋日日都玩好多水上活動。」
部水上電單車螢光綠色外形,配上同色嘅潛水衣,Amanda都覺得超cool,好似變身邦女郎,依家水上電單車已經成為佢嘅新寵,每日佢都要喺海中風馳電掣一圈才回家。