SUN搞作:SUN官場現形記:香港仲有乜好
商經局局長卡片蘇上網,有外國網友煩惱唔知去邊度旅行,卡片蘇一句︰「香港咪幾好!」一場圍繞香港旅行嘅爭論就咁展開。
卡片蘇︰香港出晒名美食天堂,可以大快朵頤!
網 友︰但聽聞市道差,行行湧現執笠潮,隨時叫我食西北風。
卡片蘇︰都係嘅……
網 友︰而且,中國又就嚟開新主題公園,仲使去你嗰個?
卡片蘇︰我哋嗰個有特色。
網 友︰咩特色咁巴閉?
卡片蘇︰夠晒迷你,配合香港麻雀雖小,五臟俱全。
網 友︰咁咪即係要我逼!你話香港仲有乜好?
卡片蘇︰有!你講到咁差,即係慳番唔使嚟。仲唔係好在幫你慳旅費!