政壇：搞搞政：詐彈嚇親議員 維安真係頭痕

黃國健憂變本加厲

本身係立法會行政管理委員會（行管會）委員嘅金融界吳亮星擔心炸彈恐嚇令外間覺得香港不再安全，影響金融中心地位之餘，甚至會令到「一帶一路」嘅國家同地區卻步。另一個行管會委員陳家洛就認為，秘書處收到消息後，應以短訊通報大樓使用者，甚至就疏散安排，要有更完備的考慮，又要求秘書處交代面對類似情況嘅應對措施。

對於另一委員陳健波建議進入大樓者要全部做安檢，陳家洛就譏笑對方「覺得自己處於危險嘅星球」。工聯會黃國健就話，今次好大可能係惡作劇，犯事者亦未至於激進到要用鮮血及生命達到目的，但預計類似情況會變本加厲，其他人有樣學樣，呢類行為只會帶來更多負能量。