城中鏡：爆紅吳業坤代言面膜
衍生簽咗「坤哥」做香港代言人，代言啲乜？係護膚產品美肌之誌，冇錯，係專出面膜嗰個美肌之誌。衍生主席彭少衍尋日話早喺舊年已睇中男歌手「坤哥」吳業坤。緣起於舊年八月一次西九龍合作，彭主席當時聽過對方啲歌好好聽，相信佢假以時日會走紅，所以趁早簽咗先。估唔到一語成讖，今個月正式簽咗，坤哥呢排亦人氣爆升，連彭主席都話「唔知佢好彩定我哋好彩」，總之簽咗就名成利就喎。
彭少衍（圓圖）睇中坤哥，搵佢做產品代言人。
今次簽坤哥做一年代言人，代言費用係商業秘密，但彭主席形容係「雙贏」，簽嘅時候好合理咁話，公司今年宣傳費佔收入比例唔會升，維持約20%至22%左右。話時話，坤哥與面膜？好難想像得到。
