民航處十五億元新空管系統Autotrac 3問題不絕，自一三年起不斷被揭發新系統嚴重延誤同甩漏，啟用日期一再押後。而最近進入測試亦多番故障及失準，有消息指新系統嘅雷達竟「半盲」，未能同步更新「近距離航機位置」，導致空管人員無法及時識別兩架航機相距低於四海里嘅安全距離。而屏幕上嘅航機位置更新頻率，比十多年前引入嘅舊系統仲慢，性能「新不如舊」，但民航處高層仍堅持新系統要喺今年六月前啟用，航空安全堪憂。劣迹斑斑嘅民航處處長羅崇文唔正視問題，搵人命較飛，唔兜走唔得！

羅崇文

第一手消息請下載on.cc東網iPhone/iPad/Android/Windows Phone Apps