政壇：每周之星：至叻星：康署大嘥鬼劉燕卿(目及)實

東方報業集團兩年前獨家報道康樂及文化事務署轄下嘅圖書館公然做「大嘥鬼」，逾三百箱舊書被當垃圾棄置街頭。雖然事隔一段時間，但申訴專員公署喺日前宣布主動調查康文署嘅採購同埋註銷圖書館資料準則及程序，確保公共資源得到善用。有學者批評康文署唔先為舊書找出路而直接將書籍當垃圾丟，做法有問題。申訴專員劉燕卿認為若因機制問題而損害公眾享用圖書館資料嘅權益，唔只可惜，仲有負公眾期望。依家好多部門都有浪費嘅情況，希望劉燕卿唔好受官僚歪風感染，凡事都當睇唔到聽唔見就算。