政壇：樂視出電跑 超前難落地
樂視同美國電動車公司Faraday Future合作推出嘅FFZERO1概念電動跑車，早前喺美國國際消費電子產品展覽（CES）大出風頭，但樂視副總裁兼亞太區執行總裁莫翠天尋日話，呢架FFZERO1概念行得太前，世界各地交通法例未跟得上，架車睇怕暫時未可以合法落地跑。
莫翠天（資料圖片）
FFZERO1仲喺開發階段，但已經有好多人去問價。
莫副總話由於FFZERO1外觀設計太進取，部車就算成功生產，都可能要等相關交通法例更改，先有機會合法駛出街。其中一個問題位就係FFZERO1特有兼最型仔嘅橫條式LED長條頭燈設計；翻查全球主要國家交通規定，均未合乎所謂「車頭燈」基本要求。
FFZERO1雖然只係概念車，但日前發布後，莫副總身邊好多老友都急住問佢，究竟要幾多錢先可以訂到一架，但由於架車仍處開發階段，莫副總只能叫啲老友唔好咁心急。
