立法會漁農界議員「高佬賢」何俊賢早前出席漁農美食嘉年華時，行過海味檔時話自己好鍾意食鹹魚，仲話雞泡魚醃製嘅鹹魚非常好食，用雞泡魚鹹魚炆蘿蔔嘅味道更好似牛扒配紅酒咁夾，但佢警告醃製雞泡魚前要記得劏乾淨個鰓，確保無毒，唔識就千祈咪學喇！

何俊賢話鍾意劏雞泡魚醃製做鹹魚。

高佬賢話食鹹魚係漁民嘅傳統，身邊亦不乏鍾意食鹹魚嘅年輕朋友，佢知道有人唔太欣賞鹹魚，可能係同唔識揀有關。佢話曬鹹魚時點樣擺、放幾多石頭壓住嚟曬，鹹魚嘅味道都會唔同，所以長洲同大澳嘅鹹魚味道都會有分別。不過，食得太多醃製食品始終唔健康，高佬賢都認同所有食物都係「少食多滋味，多吃壞肚皮」，加上為咗響應少鹽少糖嘅健康飲食習慣，佢建議醃鹹魚時可以放少啲鹽。

第一手消息請下載on.cc東網iPhone/iPad/Android/Windows Phone Apps