大坑：矮身消防栓淪戟腳陷阱
「個消防喉係鵝頸形，比較細座同矮身，行過嗰時都未必察覺到。仲要擺正喺個轉彎位，呢度咁多老人家出入，陣間戟親人，分分鐘可大可小！」大坑居民陳先生指，設置於布朗街與新村街交界的消防栓體積較小，行人稍一不察，則易生意外，「平時啲人行過都要拗腰去避，我試過撞到腳，都痛咗好耐，咁係咪設置不當？」
大坑布朗街與新村街有消防栓被指設置不當。
水務署發言人表示，接獲轉介後已隨即派員實地視察，並已更換有關消防栓，以回應市民的關注。
陳先生證實水務署已作出跟進，惟認為該署在設置公共設施時，除因應設施用途外，亦應盡可能顧及會否帶來阻礙，「救火就一定係最緊要嘅事，但如果得嘅話，就擺喺一啲冇咁阻到人嘅位。亦都好多謝《東方》同我哋發聲，水務署先會咁從善如流。」
