名媛Qinnie陳君宜同富豪老公鄭躬明同樣性格好動，熱愛滑雪同賽車等運動，但自從Qinnie懷孕後，就同一切劇烈嘅運動絕緣，早前佢趁囝囝鄭嵐升快滿一歲，就決定帶同囝囝飛法國滑雪，過滑雪癮。

陳君宜（左）同老公鄭躬明都有抽時間去滑雪，享受二人世界。

囝囝食飯時，被安排坐在「主人位」，非常有趣。

現身在法國嘅Qinnie透過WhatsApp回覆「我哋入住雪山嘅小木屋Chalet，距離滑雪場只需要步行三分鐘，我滑雪時，囝囝留喺小屋由工人湊住，滑完雪我就返嚟帶佢出去行吓玩雪。第一次住小木屋，好正，有個廚師會嚟煮飯，仲有車可以送我哋去雪場，好方便。」

佢哋入住嘅小木屋有大長桌，可供十二人用膳，囝囝鄭嵐升就坐喺主家席，非常有趣，佢仲話囝囝首次睇到真雪，開心到不得了！

第一手消息請下載on.cc東網iPhone/iPad/Android/Windows Phone Apps