歐洲雞蛋受街坊歡迎，究竟與其他雞蛋有何分別呢？為母親買雞蛋的何先生指出，即使大陸蛋比歐洲蛋每底便宜十元都不會考慮，「媽咪平時幫襯呢度，想屋企人食得放心啲。」然而「歐洲蛋」是否只此一家？記者到附近的街市尋找「歐洲蛋」的蹤迹。

營養價值相若

有乾貨店老闆娘表示，一般雜貨店都不會購入歐洲蛋，「咁遠運到嚟好多時發霉，或者污糟，又要洗又要抹。」結果四間乾貨舖中，只有一間有賣德國蛋， 其餘三間都只賣大陸蛋和泰國蛋。香港蛋業商會理事長楊金炎指，業界購入不同產地的雞蛋主要視乎價錢和供應。

「西方國家遇着感恩節或者聖誕，供應會緊張，價錢都偏貴，高峰期過後就會平番。」他指，雞蛋的級數主要視乎質素及新鮮程度，「大陸蛋其實會新鮮啲，夠近吖嘛！味道嚟講就好主觀嘅，不過都要睇吓隻雞食咩啦，特別配方咪可以賣貴啲囉！」不過他不諱言，各種蛋的味道相距不大，營養價值相若，「其實都係蛋白質啫。」

第一手消息請下載on.cc東網iPhone/iPad/Android/Windows Phone Apps