話說立法會保安事務委員會計劃喺三月中出訪澳洲，聲稱要考察當地嘅酷刑聲請機制，足足有五位議員報名，分別係委員會主席葉國謙、副主席鍾國斌、馬逢國、白鴿黨「阿涂」涂謹申同工黨張超雄。適逢今年係選舉年，除咗功能界別議員外，一般有意競逐連任嘅直選議員，都會乖乖地留港做選舉工程，但今次有兩名直選議員咁得閒外訪，到底係想趁離任前使晒啲錢，定諗住坐定粒六，有信心保得住個議席呢？

涂謹申

五位議員入面，張超雄同阿涂都係直選產生，而阿涂更係經超級區議會產生。地區直選同超級議員一向都好大競爭，選舉工程做少啲都唔得，況且兩人都係想連任，依家仲出去外訪，真係對選情咁老定？至於葉國謙，之前傳過佢唔會連任，唔知係咪因為咁，所以就趁機會使埋筆外訪津貼呢？

第一手消息請下載on.cc東網iPhone/iPad/Android/Windows Phone Apps