政壇：市場風浪急 Banker大執位

內銀高管開始新一輪「音樂椅」，而香港呢邊就有忙住喺人民幣挾息世界游走嘅恒生副司庫Liz周丹玲升職，坐正做司庫兼環球資本市場主管。

周丹玲升職坐正做恒生司庫兼環球資本市場主管。

上個月先同Liz傾過偈，跟住經過一個月人民幣貶值又挾息嘅摧殘，Liz已經坐正做司庫，向執行董事兼環球銀行及資本市場業務主管Andrew馮孝忠匯報，負責企業財資、利率及外匯風險管理同經濟研究等。

而內銀高管方面變動更大，市傳中行副行長張金良將會空降光行擔任行長。而中銀監剛剛亦已經認可委任曾經為工行副行長嘅鄭萬春擔任民行嘅新任行長。