大埔：違泊釀阻塞 響按擾清夢
林先生指大埔寶雅路近太和廣場停車場位置不時有車輛停泊，而上址只有一條行車線駛入停車場，違泊除令道路收窄外，更容易造成阻塞，「嗰度明明有啲紅色消防欄，寫明唔好阻塞，但啲人就唔理，有時朝早六、七點仲會塞到啲車狂響按，搞到瞓都冇得瞓！」
大埔寶雅路常有車輛停泊於近消防欄位置。
警方發言人指，一直關注問題，並已派員巡查，過去一年共接獲逾四十宗相關投訴，發出逾七十張定額罰款告票。發言人強調，會加派人員到上址巡邏，並按情況採取適當的執法行動，確保交通暢順及道路安全。
「我早幾日經過都仲見到啲車泊晒喺度，咁已經叫做咗嘢？」林先生指現時情況仍無改善，不滿警方執法不力，要求加強巡查，倘發現違規情況應即時執法，以起阻嚇作用。
