城中鏡：史立德 望人仔跌救百業
話說人民幣臨近上年年尾愈跌愈甘，但中華廠商聯合會副會長史立德就覺得，依家人仔仲係太貴，唔少旅客都因此寧花多啲錢，去日本等地旅行，影響內地旅遊業，佢就希望人仔再跌多啲，除咗旅遊外，都幫到各行各業。
史立德希望人民幣跌多啲，幫助各行各業。
史立德話人仔太貴會令內地港商成本增加，加上依家喺內地設廠面對唔少困難，包括內地近年有多方面改革，例如環保同勞工政策等，全部都同廠商有關，進一步提高成本，唔少港商都將廠房搬到東南亞等地以減負擔。
但佢做開大型品牌包裝，生意相對穩定，人仔匯水高對佢影響都唔算太大，暫時亦唔打算搬廠房到東南亞，不過佢都承認內地營商環境愈嚟愈困難。
