唱淡股市要罰錢？係o架，罰十五萬。不過，講緊內地。每逢A股大跌市，唔少內地股民都會喺各大股吧、平台吐吓苦水，之不過呻還呻，千祈要小心。尋日內地官媒話，有個內地網民因為發表言論擾亂市場，被中證監殺一儆百，重罰十五萬元人民幣。

話說呢位劉網友，上年六月喺一個股吧發表「偉論」，話要「把所有倉位調整到半倉以下，能空倉就空倉，預計周四周五出重大利空」，短時間內已有四萬二千七百次閱讀同八十一條評論。呢幾句何止字字值千金，短短二十九粒字罰咗十五萬元，每粒字平均成五千幾蚊o架！

唔怪得搵內地券商同分析員傾吓A股前景時，無論任何市況下，佢哋永遠都係A股大好友啦！明白晒。

第一手消息請下載on.cc東網iPhone/iPad/Android/Windows Phone Apps