政壇：人生６階段 錢來又錢去
人生由出世到拜拜，可長亦可短。加拿大皇家資本市場出咗份報告，將成世人分成六個階段。唔同階段，就主宰住你同啲錢點樣追追趕趕、高高低低，欠落幾多、賺幾多、使幾多、儲幾多？成條數一幅圖一眼睇晒。
人生6個階段 條數一眼睇哂
1、一出世，除咗淨使錢，斷估唔曉賺啩。
2、出到社會做嘢，賺啲、使啲、儲啲、又欠落人啲，樣樣有啲。
3、結婚生仔，有咗兒女債，使多咗，自然儲少咗。
4、再年長啲，仔女出晒身（望係咁望），終於可以自己儲番多幾個錢。
5、退休後，有出冇入，食老本。
6、最後同世界講拜拜，但求冇「手尾」跟，咁就至完美。
睇完六個階段，個心仲東歪西倒、忽高忽低，心驚膽戰去同錢建立親厚關係？醒多幅「生產力Vs年歲」圖畀你，睇吓自己生命流連去到邊，沿途就算意外脫軌，遊戲之中，忘掉輕重。
