政壇：陳維安潮語預告派早餐

一年一度嘅施政報告今日出爐，連帶翌日嘅立法會特首答問大會，相信記者會做到無時停。立法會秘書長Kenneth陳維安今年一如既往大派早餐慰勞大家，尋日佢喺社交網站預告，會為傳媒準備咖啡、茶、三文治同曲奇餅，仲加碼至足夠八十至一百人嘅分量，唔夠食會即刻派人再加單咁話，認真貼心。至於小食會唔會係嚟自有名食店？Kenneth就賣晒關子，淨係話總之值得大家畀個「＃多謝秘書處」啦！Kenneth連近來潮興嘅主題標籤（Hashtag）「＃」都活學活用，似乎同年輕人接到軌喎！