冬天要進補，但點補係個大問題。早前見到沙田區議會前主席韋國洪，佢話冬天鍾意到朋友店舖食羊腩煲，另外蛇羹及蛇湯亦係佢喜愛食物之一。不過，有次佢返內地飲蛇湯，就發現嗰煲湯「加咗料」，除咗蛇肉、雞肉，原來仲有貓肉！嚇到佢即時打咗個突，唔敢再飲，仲話其實有雞已經夠晒味，叫師傅千祈唔好再落貓肉。

韋國洪

唔少港人都鍾意冬天打邊爐，博愛醫院前主席藍國慶及太太王雲仙話，佢哋前一晚先至打完邊爐，之後又會煲木瓜雪耳糖水滋潤吓。至於保良局總理陳正欣太太陳慕婷及女兒Laverna打邊爐就唔會用湯包，會用豬骨做湯底，因為知道市面上嘅湯包較濃味，而佢哋平日應酬多，難得在家就會食清淡啲，盡量少鹽少油少糖，Laverna冬天仲會飲多啲暖水及媽咪煲嘅花膠湯添！

第一手消息請下載on.cc東網iPhone/iPad/Android/Windows Phone Apps