民主黨主席劉慧卿（卿姐）宣布放棄競逐連任立法會議員，而政壇崛起本土派，好多人都關注白鴿黨嘅新人能否接棒成功。卿姐尋日出席電台節目時話，佢理解嘅「本土」係指捍衞香港市民基本權益，令到港人權利得到保障，同佢嘅理念、路線無異，只係大家口中嘅本土派多咗言語及肢體暴力，而卿姐又寄語從政者三個錦囊，其中一個竟然係「夠薑」，薑係老嘅辣，冇講錯！
卿姐話，雖然佢九一年參選時冇用上「本土」一詞，但認為自己過去絕對能做到「本土」，否則唔會成為七屆議員，暗示自己和該黨同本土派路線無異，無懼本土派搶走年輕人嘅選票。
堅拒言語肢體暴力
雖然卿姐認為其路線與本土派相同，但佢話自己絕對唔會歧視弱勢社群，例如不以口音問題攻擊新移民，而且亦堅持不使用言語及肢體暴力。她更重提上月審議俗稱「網絡23條」的《2014年版權（修訂）條例草案》時的集會，她當日只係現身聽意見，但集會卻出現了言語及肢體暴力情況。
卿姐亦不認同民主黨被年輕人唾棄，但透露曾有年輕人不滿她傲慢，重申該黨會虛心聆聽各方意見，除年輕人，也要兼顧其他年齡層和界別的人士。她亦寄語從政者要「認真、勤力、夠薑」，她指議員一定要敢言，不能怕群眾起哄及被圍攻就不敢發表相反意見，否則只會招致失敗。
另外，卿姐退下來而懸空的黨主席由何人接任都飽受熱議。卿姐指歷屆主席均由立法局或立法會議員擔任，惟黨章沒有規定只有立法會議員才可出任主席。她認為，由立法會議員出任主席有實際原因，因為立法會有較多記者出現，能夠較易作出回應，她指黨內正商討黨政分家，但估計要幾年才有結果。
第一手消息請下載on.cc東網
