SUN搞作：SUN官場現形記：柒分都不如
教育局局長吳得掂劣評如潮，六成半教師認為佢只值零分。如斯窩囊不濟，李衞又豈能容忍？
李 衞︰今次你真係唔走都唔得！
吳得掂︰啱，人人都起勢鬧我，我諗都要去多次日本避避風頭。
李 衞︰叫你落台啊！教師評分評到你一文不值！
吳得掂︰……我會睇多幾本書學習吓。
李 衞︰讀吓徐志摩啲詩都好嘅。
吳得掂︰點解呢？
李 衞︰學人灑脫啲，「揮一揮衣袖 不帶走一片雲彩」，落台喇！
吳得掂︰其實，零分都唔係一件壞事。
李 衞︰你份人都幾厚顏。
吳得掂︰咁今次零分，下次就算拎一分，都叫「無限進步」！
李 衞︰@@##$$%
