SUN焦點：倘證是人禍可民事索償

污水湧入，地舖水浸眼眉，可否追討賠償？執業大律師陸偉雄表示，任何人的損失如因他人導致，都可以循民事途徑追討索償。「首先要搵到證據證明損失成因。」他指受污水倒灌影響的苦主，應先找渠務工程師撰寫報告，證明排污渠淤塞成因是人禍而非天災。

陸偉雄補充下一步是進行「疏遠測試」，「意思係愈遠發生嘅事相關性愈低，例如水渠堵塞導致污水倒灌，咁堵塞係咪因為一直積存雜物呢？定係因為最近黃雨導致水浸，抑或因為上一手工程留低嘅建築物料呢？」

他指，如果成因是上一手工程的建築物料，受害者就可以向負責工程的人士追討賠償。「大判、二判都有責任，不過都唔代表相關政府部門可以卸責。」他續指，外判工作不等於可以外判法律責任。