話說內地股市推出「熔斷機制」短短四日，就有兩日提早停市，甚至牽連到香港股市急挫。立法會金融服務界議員「肥老闆」張華峰就風水師上身，話「熔斷機制」個名又熔又斷，覺得個機制改壞名喎。正所謂「唔怕生壞命，最怕改壞名」，肥老闆又講得有啲道理，皆因又熔又斷，難怪搞到個市又跌又停喇！既然肥老闆話改壞名，問佢應該要改乜嘢名至好呢？但佢就冇答到喇！其實「熔斷機制」呢個名都唔係新事物，亦有其意思，唔知肥老闆想改個咩名先至啱心水呢？

張華峰話「熔斷機制」個名又熔又斷，覺得機制個名唔好。（資料圖片）

第一手消息請下載on.cc東網iPhone/iPad/Android/Windows Phone Apps